Shillong, Oct 27: Shillong songjinmao College of Teacher Education (PGT)-na NEC-ni dakchakanichi gital rikdapgipa nok, RUSA-ni dakchakanichi gital rikgipa nokrang aro ramako Bristibar salo, Meghalaya a•dokni Chief Minister Conrad K Sangma kulie on•angaha.
PGT has rendered its service to the community and to the State by grooming teachers who shoulder the responsibility of educating our children. We hope that the new infrastructure will further their efforts. I wish the teachers & the aspiring teachers the best! pic.twitter.com/UFAYMtVsEb
— Conrad Sangma (@SangmaConrad) October 27, 2022
Ia nokrangko aro ramako kulie on•angani somoio a•dokni Deputy Chief Minister Prestone Tynsong aro Education department-ni Commissioner & Secretary Dr BDR Tiwari-ba dongpaaha.
Ia nokrangko aro ramako kulie on•angani somoio a•dokni Chief Minister, jinmana aganprakangengon, ia college-o seat-rangko nangdapkuengani gimin college-ko dal•batatna nangchongmotengachim ine ia college-na nokrangko rikdape on•na man•ahani gimin an•tangni kusi ong•aniko parakangaha.
Dingtang dingtang neng•nikanirang, jekai nokrang chu•onggijani, skigiparangna training-rangko on•ani aro uandakgipa neng•nikanirang donggenchimoba lekka porako namdapataniara a•dok sorkarini mongsonggipa daitorangoni mingsa ong•enga ine janapatengon, iandakgipa neng•nikanirangko bakande namatna man•jawa indiba a•doko lekka porani gadangko tang•doatna sorkari kang•kare kae kam ka•enga ine Chief Minister parakataha.
Dingtang dingtang a•ningni bosturangoniko gile man•enggipa kajinarangko lekka porani kamrangna sorkari jakkalenga ineba ia tom•anio Chief Minister parakataha.
Department ge•antina chamgimin budget gitasa sorkari kamko ka•enga ine janapatengon, jekai a•dokna lekka pora gamchata, apsan daken an•seng baljokaniko on•ani, rama jal•langrangko taridapani, ge•a gamani, chadamberangko, me•chikrangko nirok sandiani, ia pilak kamrangba gamchatgiparangan ong•ani gimin kamko ka•engon sorkari, pilaknan nigopesa kamko ka•na nanga ine Sangma parakataha.
Lekka porako on•anio skigiparangan mongsonggipa kamko ka•giparang ong•ani gimin dingtangmancha skigiparangna nambatgipa skianiko on•skana gita sorkari dingtang dingtang training program-rangko ong•atenga ineba Chief Minister parakataha.
