Shillong, Dec 15: Meghalaya a•dokni sima gita Barpeta-ona sonarangko badingsrukatenga ine koborko man•soani ja•man CCP Shillong-ni officer-rang, Shillong songjinmani simao donggipa Diengpasoh-o Maruti EECO van gari bolsako rim•aha aro ia garioniko gong crore 1.42-ni gram 2331.82 ong•gipa sonarangko man•aha.

Ia gariko rim•ani ja•man garini driver-ko police-rang sing•sandion, ia gari ning•o sonarangko chipe ra•baaha ine ku•rachakaha aro uandaken ja•mano, garioniko am•sandion ge 20 sonarangko ge•bri dake katepenba, gario dongnue donako man•aha.

Iani bidingo police-rang mande saksako rim•e sing•sandianirangko dakkuenga.

Indake ong•engon, Bristibar saloba Customs official-rang, kg 950 ong•gipa China a•songni rasin gipokrangkoba rim•na man•aha. Ia rasin gipokrangko niam gri badingenggipa manderang, sima jol gita Meghalaya a•dokona badingsrukbaahakon ine police-rang chanchichipenga.

Iakoba poraie nina man·gen: Matchapeng manggnini manggisiko Guwahatio man·a