Shillong, Sep 28: Shillong songjinmao donggipa dingtang dingtang toromrangni chang 28-gipa jinma apsan tom•bimonganiko Budbar salo, Central Puja Committee (CPC) ong•atangaha aro ia tom•bimonganiko ong•atanio Meghalaya a•dokni Chief Minister Conrad K Sangma, mongsonggipa sokgipa ong•e bakko ra•angaha.
Ia tom•bimonganio dingtang dingtang toromni dilgiparang, jekai Bishop P Lyngdoh, Father Richard Majaw aro uandakgipa gipin toromni dilgiparangba bakko ra•angtokaha.
Ia tom•aniko ong•atani bidingo CPC-ni president Naba Bhattacharjee, tom•anio bak ra•giparangna talataniko on•angengon, bilsi 29-na skang iandake dingtang dingtang toromni tom•bimonganiko 1993 bilsio ong•atahachim aro da•aloba iandakgipa tom•bimonganio ong•atanio dingtang dingtang toromko dilgiparangni bakko ra•aniara dingtang dingtang torom aro jatni gisepo meli nangrimaniko mesokani ong•enga ine parakangaha.
Ia tom•bimonganio a•dokni Chief Minister, jinmana aganprakangskaengon, da•alo dingtang dingtang toromni manderang ia biapo apsan tom•chimonganiara dingtang dingtang jat aro toromni gisepo meli nangrime donganiko bilake sakki on•ani ong•aha ine parakataha.
