Shillong, Mar 10: Sonibar walo, Shillong songjinmani Harijan Colony sambao donggipa Syndicate Bus Station-o IED bomako gopretanio jak donggipa manderangni gimin police-rangna u·iatgipa donggenchimode, ua manderangna Meghalaya Police-ni gita gong lak 1 tangkarangko boksis on·gen ine parakataha.
Iani bidingo u·iataniko on·atengon, Sonibar walo Improvised Explosive Device (IED) bomako gopretaniara batanggimin changrango Hynniewtrep National Liberation Council (HNLC) bobil dolni gopretgipa baksa chinrang apsananga indiba da·o dipet ia bomako gopretani bidingo darangba a·kanggiparang dongkujaenga ine Robibar salo, East Khasi Hills a·jani Superintendent of Police (SP) Rituraj Ravi parakataha.
SP-ni parakatani gitade, Sonibar walni 10:30 bajimango, Mawlonghat Punjabi Lane-o donggipa Syndicate Bus Stand-o IED boma gopretaha aro ia gopretanio saksa Lakhan Singh minggipa mande saknaanirangko man·na nangahachim. Saknaanirangko man·ahani gimin uko sanna gita Woodland Hospital-ona ra·angaha aro sannaniko on·ani ja·man uko watpilataiaha.
Iani bidingo police-rang, Sadar police station-o FIR ka·e am·sandianirangko dakna a·bachengataha ineba Ravi aganaha.
Ia a·selni bidingo saoba police-rangna u·iatna nanganirang donggenchimode, Special Cell-ni 9366790273 phone nombor-ona call ka·atna ba Whatsapp gita text ka·atna aro specialcell.ekh.m/[email protected] website gitaba u·iatna man·aigen ine SP parakataha.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
