Shillong, Nov 20: Budbar salo, Integrated Command & Control Centre (ICCC)-ko Shillong songjinmani Umsawli-o, Meghalaya a•dokni Chief Minister Conrad K Sangma-ni jakchi kulie on•angaha aro ia centre-ko kulianio, a•dokni Deputy Chief Minister aro Urban Affairs Minister Sniawbhalang Dhar, a•dok sorkarini Chief Secretary DP Wahlang, Director General of Police (DGP) Idashisha Nongrang, Urban Affairs-ni Commissioner & Secretary Vijay Kumar, Information Technology-ni Commissioner & Secretary Pravin Bakshi aro gipinrangba dongpae bak ra•angaha.
Ia ICCC-ko kulie on•anganio a•dokni Chief Minister, jinmana aganprakangengon, ia ICCC-ara Shillong Smart City-ni mongsonggipa bak ong•a aro iani ning•o dingtang dingtang kamrangko Information Technology-ni a•bao nangdimatna man•gen ine parakataha.
Ia ICCC-ara Application Programming Interface (API) ong•e, pilak kamrangkon name ka•na gita dakchakani ong•gen ineba ua aganaha.
Shillong songjinmako salanti nirokanio ia ICCC-ni kamrangni gimin janapatskaengon, ICCC dongaiahani giminde maming ra•biani aro neng•nikanirangko chagrongna nangjawaha ia katta ong•ja, indiba ICCC-ni kamrangchi dingtanganiko nikna man•gnok ine Chief Minister aganaha.
Pilakan ku•cholsan ong•e kamko ka•genchimosa a•song namroro silrorona man•a ine janapatengon, Tura, Jowai aro uandakgipa jillarangkoba mikkangchi ia ICCC-o bak ong•atgen ine Chief Minister parakataha.
Ia ICCC-ni ning•o City Surveillance System-ko Shillong songjinmani dam 96 biaprango, Smart Pole-rangko dam 20 biaprango aro Variable Message Display-koba dam 20 biaprango donmanaha.
Na·simang ia video-koba nina man·gen:
Na·simang iakoba poraina man·gen: Salgittamna ong•atanggipa literary festival name matchotanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
