Shillong, Nov 15: Adita salrangna skang, Shillong songjinmao bike salgaka man·gipa me·chik saksa siangani ja·man, ia bike-ko salgipa mandeara bilsi sokkugijagipa chadambesa ong·ani gimin niamo pangchake ia chadambeni ma·a paa sastiko man·gen ine East Khasi Hills a·jani Superintendent of Police (Traffic) Kamakhya Prasad parakataha.

Iani bidingo kobor ra·timgiparangna talataniko on·angengon, ia a·selni bidingo police-rang, name sandiroke niaha aro sandiroke nion, bike-ko salgipa mandeara bilsi sokkugijagipa chadambesa ong·e, Learners’ Licence-ko jakkalenggipasa ong·achim ine SP Prasad parakataha.

Learner’s Licence-chi saksan gari salani aro 55cc-na batgipa gariko salaniara niamko pe·ani ong·a ine janapatengon, niamko pe·anio rim·ako man·on gariko salgipa niamo pangchake sastirangko man·gen ba uni ma·gipa pagipako dosi changen ine SP aganaha.

Re·anggipa Sombar attamo, Mawlai Mawdatbaki jolo me·chikma saksa rama batsotangengmiting somoio, ta·rakbee re·baenggipa bike bolsachi salgaka man·e siangna gita nangahachim.

Police-rangni u·iatani gitade, bike-ko salenggipa mandeara bilsi sokkugijagipa chadambesa ong·achim aro a·sel ong·ani ja·man police-rang, uko rim·aha kachario mikkangpaataha.

Iakoba poraie nina man·gen: Assam-o MLA hostel-ni kelkio ‘guli a•kolko’ nikani ja•man kenjagokani ong•kata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub