Shillong, Mar 12: Shillong songjinmako nitobatatna aro songjinmao apchangket ong·aniko komiatna gita Mongolbar salo, Meghalaya a·dokni Chief Minister Conrad K Sangma, mongsonggipa project minggittamna pangchakaniko Shillong songjinmani Ward’s Lake-o songe on·angaha.
Ia project minggittamna pangchakanirangko songe on·anganio a·dokni Chief Minister, jinmana aganprakatengon, ia project-rangara Shillong songjinmako nitobatatna aro songjinmao apchangket ong·aniko komiatna a·bachengatenggipa project-rang ong·a ine aganangaha.
Shillong Smart City Pvt Ltd-ni ning·o gari donchakani biaprangko rikna sienggipani gimin janapatengon, Shillong songjinmao dam 1200-na baten parking lot ba gari donchakani biaprangko sorkari taridapengaha aro ia salni bako gimik gong crore 90-ni dam 465 parking lot-rangna sorkari pangchakanirangko songe on·aha ine Chief Minister parakataha.
Iewduh ba Bara Bazar-ko nitobatatna gita a·bachengatna sienggipa kamrangni gimin janapatskaengon, Meghalaya a·doko gitchambatsranggipa anti cha·ram biapko gong crore 15 tangkarangchi gital dake aro nitobatate taridapna siengaha ine Chief Minister parakataha.
Ward’s Lake-ko taridapna sienggipa project-ni gimin janapatskaengon, Ward’s Lake-ni mikkango km 1.2 ong·gipa biapko plaza, parking, restaurant aro dokkanrangko done taridapna sienga aro iako taridapanichi ian tourist-rangnasan namgni ong·aigija jolo bading chiwale cha·enggipa manderangnaba namgni ong·gen ine Chief Minister aganaha.
Indake ong·engon, Meghalaya a·dokni dambonga Lake ba pokkrirang, chong·motan Shillong songjinmani Ward’s Lake, Malse Lakea aro Nirman Jheel, Williamnagar-ni Memo Lake aro Resubelpara-ni Rangjokram Lake-koba nitobatatna gita a·dokni Chief Minister, ia apsan salon pangchakaniko songe on·angaha.
Na·simang iakoba poraina man·gen: Meghalaya Sorkari Uranium-ko bikotpiltaina on•jawa : CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
