Shillong, July 7: Sukrobar pringo, Shillong songjinmani Laitumkhrah Police Station-o police-rangni garirangko so•e galgipa manderangko police-rang ma•siaha ine East Khasi Hills a•jani SP Sylvester Nongtynger parakataha.
Iani bidingo kobor ra•timgiparangna parakatengon, police-rangni garirangko so•e galanio jak donggipa manderangni bimingrangko Nongtynger, parakna gita jechakataha.
CRPF-ni sipairangko nangana bate jakkala ine matnanganikoba ua jegalatengon, mitam manderang CRPF sipairangni silchidarerangko ra•sekna jotton ka•ahachim ine East Khasi Hills SP parakataha.
Ia a•selni bidingo da•o sandirokanirangko dakkuengani gimin ia a•selo badiaba dolrang jak dongama dongja name aganna man•kujawa ineba Nongtynger aganaha.
Iana skang, a•dokni Health Minister Ampareen Lyngdoh aro Laitumkhrah-Malki-ni MDC Fantin Lakadong-ba ia a•selni bidingo East Khasi Hills a•jani SP Sylvester Nongtynger aro SP (City) Vivek Syiem baksa tom•e agangrikangaha.
Koborko on•ani gitade, Sukrobar pringwalo, Laitumkhrah-o donggipa DHS office mikkango dokako man•gipa mandeni badi ka•aniko police-rang segatna jechakahani a•selsa so•sojengjeng ong•na a•bachengaha.
Ia so•sojengjeng ong•anio jolni mande saksa sipairangni jakoba dokako man•aha ine jolo songdongenggipa manderang matnangtokahachim.
Ia police station-o manderang aro police-rangni gisepo ding•chaoe jegrikani ja•man manderang, police-rangko ro•ong goaha aro ja•mano police-rangni garirangkoba so•e galahachim.
Iakoba poraie nina man·gen: M’laya-o ring choaniko namdapatna project-ko a·bachengata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
