Shillong, Oct 21: Shillong songjinmani All Saints Hall-o Shillong Agri-Horticultural Society-ni gita salgittamna ong•atanggipa Autumn Flower Show-ko Sukrobar salo matchotataha.
Ia Autumn Flower Show-ko ong•atanio sam-bolrangko aro pulrangko ge•na gisik nanggipa bang•bea manderang bakko ra•angtokaha aro ia program-ko ong•atgipa manderangni parakatani gitade, pulrangko ge•anio gisik nangchina manderangko didina aro Shillong songjinmako nitobatatna gita ia program-ko bilsiantian ong•atenga.
Ia salgittamna ong•atanggipa Autumn Flower Show-o bakko ra•gipa manderang, an•tangtangni ge•gipa dingtang dingtang pulrang, jekai sunflower, fire bush tree, hibiscus, zinnias, crepe myrtle, lotus ba mongnan aro uandakgipa dingtang dingtang pulrangko mesokangtokaha.
