Shillong, May 15: Shillong songjinmani Mawkhar-o Seng Khasi Kmie-ni Indigenous Cultural Centre-ko rikna gita Bristibar salo, Meghalaya a•dokni Chief Minister Conrad K Sangma, pangchakaniko songe on•angaha aro ia centre-na pangchakaniko songanio, a•dokni Deputy Chief Minister Prestone Tynsong, Art & Culture Minister Paul Lyngdoh, jolni dilgiparang aro Seng Khasi-ni membor-rangba dongpae bak ra•angaha.
Ia centre-ko gong crore 15 korosrangchi rikenga aro ian Khasirangni gam-jinrangko tange rakkina miksonge rikenggipa centre ong•enga.
Ia Indigenous Cultural Centre-na pangchakaniko songe on•anganio a•dokni Chief Minister, jinmana aganprakangengon, ian nokko rikanimangmangsan ong•jaenga indiba jatani daka rikani, bebera•ani aro janggi tangani bewalko tange rakkiani pangchakaniba ong•enga ine parakataha.
Bilsi 100 batpile manderang, nokrang dongjani a•selo jatni daka rikanirangko bangbangosa dakna nangaha indiba da•alo sorkari, jatni daka rikanirango gamchataniko nike ia nokko rike on•na ja•ku de•chakataha ineba Sangma aganaha.
Salgro salaram jolrango donggipa Tribal jatrangara pilak kamrangon namen dingtangmanchagipa ong•a ine janapatengon, jatni daka rikani aro itihasrangko tange rakkina man•na gita sorkari, Chief Minister Research Fellowship (CMRF)-ni ning•o research dakaniko tang•doatenga ine Sangma aganaha.
India a•songara nitobegipa aro dingtang dingtang jatrangni ku•mong nangrime songdongenggipa a•song ong•a ine janapatskaengon, a•doko pilak jatrangan dal•rorona, ku•mong nangrime janggi tangna aro a•songo dingtang dingtang jatrangni janggi tanganiko mesokna man•na gita ia sorkari 2018 bilsionin pilak jatrangna dakchakanirangko on•enga ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Guwahatio mi platesako NGO rang gong·bongana palenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
