Shillong, Oct 28: October 26 tarikoni a•bachenge November 1 tarikona Vigilance Awareness Week-ko Shillong-o manienga ine Bristibar salo Shillong-ni Powergrid u•iataha.
Ia Vigilance Awareness Week-ko dingtangmancha ‘Independent India@75: Self Reliance with Integrity’ ine pangchakaniko donenba pilak Powergrid establishment-rango manienga.
Iani program-ni bidingo Hub News-na talate on•angengon, ia Vigilance Awareness Week-ko bilsiantian kam ka•gipa manderangko mikrake dongchina didina gita manirongenga aro ian a•songni jakgitelaoni bilsi 75 gapaniko manianio Sardar Wala Bhai Patel-ni atchiani salko maniani bak gitaba ong•enga ine Powergrid Shillong-ni Executive Director parakataha.
Ia Vigilance Awareness Week-ko manianio dingtang dingtang susaanirang, jekai quiz competition, essay sesusaani, walkathon aro uandakgipa dingtang dingtang program-rangkoba ong•atanggen ine u•iataha.
