Shillong, Jun 4: Ia bilsini Lok Sabha election-o Meghalaya a•dokni Shillong aro Tura Lok Sabha constituency damgnion Opposition dolrang chegipa ong•aha aro a•dokni manderang, dilgiparangko seokanichi sorkariko chalaienggipa dolrangna an•tangtangni bilrangko mesokangaha.
Shillong Parliamentary constituency-o Voice of the People’s Party (VPP)-ni Dr Ricky Andrew Syngkon, gimik 5,68,000 vote-rangko man•e, Congress dolni gitcham MP Vincent H Pala-ko 3,70,000-na batgipa vote-rangchi amchepataha aro Tura Lok Sabha constituency-o Congress dolni candidate Saleng A Sangma, 3,83,919 vote-rangko man•e, gitcham MP aro National People’s Party (NPP)-ni candidate Agatha K Sangma-ko 1,50,000-na batgipa vote-rangchi cheangskaaha.
Tura Lok Sabha constituency-o Saleng-ni cheaniara, bilsi 47-na PA Sangma sagini nokdangoni rim•kepe donganiko pe•ani gitaba ong•aha.
Ia Lok Sabha election-o NPP-ni candidate Agatha K Sangma, 2,28,678 vote-rangkosan man•rikskaaiaha.
Ia bilsini Lok Sabha election-o Meghalaya a•dok gimikni register ka•gimin sak 22,26,567 voter-rangoni sak 16,42,761 voter-rang, dilgipako seokanio bak ra•angahachim.
Ia chang Shillong Lok Sabha constituency-o VPP-ni chu•sokgipa ong•aniara, manderangni gisepo gital MP-ko seoke cholko on•na sikanian ong•aha indiba Tura-o Congress dolni chu•sokgipa ong•aniara, NPP-ni BJP baksa bakrimanina manderangni suk ong•gijani a•selan ong•skaaha.
Na·simang ia video-koba nina man·gen:
Na·simang iakoba poraina man·gen: Ja•kop ning•o mobile phone sike ra•bitgipa counting agent saksako rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
