Shillong, April 30: Prime Minister Narendra Modi-ni dilanio, Economic Affairs-ni Cabinet Committee, Shillong (Meghalaya)-ni sambao donggipa Mawlyngkhung aro Silchar (Assam)-ni sambao donggipa Panchgram-ni gisepgriko gital rama baksana 4-lane highway (NH-06)-ko chalaina gita kror 22,864-ni project-ko namnike ra·chakangaha. Hybrid Annuity Mode-ni ning·o Meghalaya-o km 144.80 aro Assam-o km 22-ko man·chape chu·gimik km 166.80 mang bakrogipa ramarangko tarianggen.
Guwahati aro Silchar-ni gisepo tarienggipa ia gitalgipa rama songre songgabataniko ta·rakbatatan baksana altubatatgen aro Tripura, Mizoram, Manipur aro Barak Valley baksa nangdimatgipa ramako namdapatna dakchakgen.
Ia highway, Meghalaya-ni mongsonggipa a·jarang jekai Ri-Bhoi, East Khasi Hills, West Jaintia Hills, East Jaintia Hills aro Assam-o Cachar a·ja gita re·ani ong·gen. Ian karkanarang, mongsongbate cement aro koela bikotgipa biaprangko dal·rorona dakchakan baksana songregiparangna Guwahati, Shillong aro Silchar airport-rang gita re·banaba altubatatgen.
Ia project-ara PM Gati Shakti National Master Plan-ni bak ong·a aro ian gipin mongsonggipa highway-rang jekai NH-27, NH-106, NH-206 aro NH-37-rangko nangdimatenba, jilla-rang jekai Diengpasoh, Ummulong, Phramer, Khliehriat, Ratachera, Umkiang aro Kalain-ko nangdimatna dakchakgen.
Ia gital Shillong-Silchar highway-ko, a·jao tangka paisani gita tangdoani, bang·bate kamrangko nakatatani baksana Guwahati, Shillong, Silchar, Imphal, Aizawl aro Agartala-ni gisepo songregrikaniko nambatatna ka·dongsoenga.
Na·simang ia video-koba nina man·gen:
Na·simang iakoba poraina man·gen: Assam-o ration card donggiparang cha•ani bosturangko komia damo man•gnok: CM Sarma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
