Shillong, September 2: Shillong songjinmani gitchambatgipa Mawkhar Christian Higher Secondary School-ni Foundation Day-ko sukrobar salo maniangaha. Ian school-ko a•bachengatchengani salko gisik ra•ani ong•a.

Shillong-ni Morphran biapo gitchambegipa Mawkhar Christian School, bilsi 131 gapanichi a•jani bang•bea chadamberangko bidani a•bao chu•sokanirangko on•angaha aro uandake mande ong•atna dakchakbeaha.

Tom•anio Dakchakgipa Skotong Minister Prestone Tyngsong mongsonggipa sokgipa onge bakko ra•angaha. Ua an•tangan ia school-o poraiangpagipa chatro saksa ong•paaha. Uandake Tynsong, school-o skigiparangko uamangni gamchatbegipa on•gilanirangna mittelpile mande ra•aniko dakangaha.