Shillong, June 20: Shillong songjinmani wilwila gimiko garirang name rurana man·na gita gari wengwatanirangko salanti nirokenggipa sakanti traffic personnel-ni kamrangna dingtangmancha mittelpilskaani chin gita da·o gita wachini somoio mikkarang wamitingo kamtangtangko name ka·angkuna man·na gita Frank Motors, king 300 rain-suit ba mikka wao ganani-chinanirangko Mongolbar salo, Shillong Traffic Police-na pakwate on·angaha.

“Wachini somoio bang·a changon traffic police-rangni chichotchot kamtangtangko ka·aniko chinga nikna man·ronga aro da·o gita somoio wachi chake kamtangtangko ka·nade uamangna namen rakbegipa kam ong·ani gimin uamangni kamna mittelpilskaani chin gita wachio ganani-chinanirangko chinga Shillong Traffic Police-na on·aha ine Frank Motors-ni CEO, Indonlang Passah, Mongolbar salo bosturangko pakwate on·ani somoio aganangaha.

“Traffic Police-ni kamko chinga kattachi mittelsokjani gimin, manderangni salanti re·ruraenggipa rama-sorokrango garirang name aro naljokani gnang re·na man·na gita chingni uamangna bang·gijako on·gilpaanisan ong·aia ineba ua agandapataha.

Traffic police-ni kamba namen rakbegipa kamrangoni mingsa ong·ani gimin uamangni kamrangkoba mittelpilskana gita nangchongmota ineba Passah aganangkuaha.

Indake ong·engon, wachio gane kam ka·ani bosturangko Frank Motors-ni CEO, Traffic-ni Superintendent of Police Dr. Dara Aswaghosh aro Deputy SP (Traffic), Mac Joel Marngar-maangni jako pakwate on·angaha.

Iakoba poraie nina man·gen: Gisikni gita tik ong·gijagipani ro·ong goanio me·chikma saksa saknaa

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub