Shillong, Jan 8: 2-Lane Shillong Western Bypass-na ra•gipa a•arangna compensation-ko gamanio 10%-oni 30% dake songni manderangoniko tangka dabienga ine Hynniewtrep Youth Council (HYC) Sohiong aro Nongthliew circle-ni matnangako East Khasi Hills a•jao donggipa Jabbar songni Rojen Khyllait jegalataha.
An•tangni kosako HYC-ni matnanganiko jegalatengon, ua iandakgipa kamrango jak donggipa ong•ja aro a•arangna compensation-ko gamanioba uamangde bilko man•giparang ong•ja ine Khyllait parakataha.
Ia ramani a•arangna compensation man•gipa manderangoniko ua black cheque-rangko ra•aha ine matnanganiko jegalatskaengon, ia pilakan uni kosako tol•e matnanganirangsan ong•aia aro ua maming dakeba songni manderangoniko tangka dabie namgnirangko man•jawa ine Khyllait parakataha.
Ia bypass-na compensation-ni pal Khyllait aro Phridensing Thabah, songni manderangoniko tangka dabiaha ine matnangenba, re•anggipa January 6 tariko HYC, East Khasi Hills a•jani Deputy Commissioner-na badi ka•doangahachim.
Indake ong•genchimoba an•tangni kosako matnanganiko Khyllait jegalatskaenba, ian uni kosako maming pangchakani gri tol•e matnanganisan ong•aia ine parakatskaaha.
“Ia 2-lane bypass-ara pilakni namgninasa ong•a aro anga an•tangba ia rama tarianiko namnikpagipasa ong•a,” ine Khyllait talataniko on•angaha.
Kakketko ma•sichenggija sakgipinni kosako iandake matnanganirangko dakjachinaba ua HYC-ko didiataha.
Na·simang ia video-koba nina man·gen:
Na·simang iakoba poraina man·gen: Upper Damalgre-o gital sub-centre-ko nokdonggaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
