Shillong, May 16: Shillong songjinmao damgittam Common University Entrance Test (CUET) porikka sechakramrangko baridapattaiaha. Gital CUET sechakramrangara, St. Mary’s Higher Secondary School, Shillong College, aro Shillong ITI ong·a. St Mary’s Higher Secondary School-o ge 70, Shillong College-o ge 100 aro Shillong ITI-o ge 29 computer noderang gnang.
“A·dok sorkari National Testing Agency baksa CUET sechakramrangko bariatani bidingo pangnan kobor ra·e agangrikrongenga. NTA iana name manchaan kamrangko niroke ka·engaha” Commissioner & Secretary In-charge Education Vijay Kumar Mantri aganaha. NTA ni uiatani gitade sak 11,309 chatro-chatrirang May jani 19 tarikoni CUET porikkako sechakatgen aro uanoni sak 1,376 mangmangsan Guwahatio seaigen. Bangki gipinrangkoba ru·utgijan Meghalayani ning·aon sechakatna biaprangko jujaattaigen.
“Darang chatro-chatriba Guwahatini a·palo aro Meghalayani a·palo CUET porikkarangko sena nangjawaha. Uamang Guwahatio, Turao, Shillongo May jani 19 tarikonin sechakatgnok. Chatro-chatrirangni porikka sechakramrangko bano bano ga·akataha uko uamangni email aro message gita NTA see uiatgen” ineba Mantri aganaha.
Na·simang ia video-koba nina man·gen:
Na·simang iakoba poraina man·gen: Sikkim a·dokko India baksa chaprimani bilsi 50 gapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
