Sikkim, May 16: Sikkim a·dokko 1975 bilsio India-ni dam 22-gipa a·dok ong·paani bilsi 50 gapaniko da·alo chong·motan 2025 bilsini May 16 tariko maniangaha. Sikkim a·dok changsao tom·tomgipa Himalaya-ni songnok ong·gipa da·o India-ni skanggipa samgri ge·a gamaniko dakdilchenggipa aro rongtalgijagipa balwa grigipa a·dok ong·e a·gilsak gimiko mingsing minggamako man·aha. Sikkim a·doko samrangko jakkalgija gama ge·anirangko dakan baksana moila ong·atana baten uamang balwarangko rongtalatenba samtangtango donggipa ong·telaigiparangna dakchakanikoba on·a.
2003 bilsio, Sikkim sorkari gama ge·anirango sam donggipa a·salrang aro jo·ong siatgipa samrangko jakkaljana tik ka·enba ia dal·begipa dingtanganiko a·bachengaha. Bang·a manderangan ia ja·ku de·anina ka·dongman·jaengon, 2016 bilsio Sikkim a·dok a·gilsak gimiko samgri gama ge·aniko dakchenggipa a·dok ong·aha. A·dokni buring bolgrimrang, rongtalgipa hydropower baksana plastic aro uandakgipa bosturangko jakkalaniko champengatanichi Sikkim-ko rongtalgijagipa balwa grigipa ong·atna dakchakaha.
Game ge·e cha·giparang, me·chik dolrang aro chadambe bading chiwalaniko dakdilgiparangni samgri ge·a gamani aro eco-tourism ba samtangtango donggiparangna maming nosto ka·anirangko dakgija song nok nianina chakpaaniko on·ani a·sel ia chu·sokaniko man·aha.
Skotong Minister Prem Singh Tamang, Sikkim a·dokni mikkangchi namroro silroroanina kamrangko ka·angkugen ine aganangan baksana ian Prime Minister Narendra Modi-ni Viksit Bharat ba tang·dogimin India a·songko nikna niksamsoe kam ka·ani baksa apsana ineba u·iatangaha. Uasan ong·aigija, India a·songo Sikkim a·dokan mande saksao bang·bate man·gnirangko man·gipa ong·an baksana Sustainable Development Goals (SDGs)-ko man·a gita name kamrangko ka·giparang ong·a ineba Tamang u·iatangaha.
Sikkim a·dok, mikkangchi samtangtango donggipa ong·telaigiparangna maming nosto ong·aniko ra·bagijagipa gama ge·ani, sambolrang aro matburingrangko naljoke rakkina gita park-rangko tariani baksana gipin biaprangoba apsankon tarina dakchakaniko on·a miksongenga. Sikkim a·dokni bilsi 50 gapaniko manianiara, a·gilsakni namgnina dakchakaniko on·a gita chonchongipa a·dokrangba dal·begipa kamrangko ka·na gita man·a ine mesoka.
Na·simang ia video-koba nina man·gen:
Na·simang iakoba poraina man·gen: Jowai-ni project minggniko MLA nianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
