Guwahati, August 2: Sikkim Industries and Commerce-ni Minister Tshering Thendup Bhutia, Delhi aro Bangalore-ni investor-rangni namgipa aganchakani chong•motan, chu bitchi tariani, water ATM-rang aro sildorengo re•ruraaniko a•bachengatna namnike ra•chakani kattarangko man•soaha. July jani 31 tariko ia tom•aniko ong•atanio, Tourism & Civil Aviation Department-ni Secretary baksana, Commerce & Industries-ni Director aro department-ni agipibatgipa official-rangba bak ra•angpaaha.
Pakyong-oni Bagdogra aro Delhi-ona sildorengo re•ruraani, a•dok gimiko water ATMs ba ringani chiko donchakgipa machine-rang aro chu tarianiko a•bachengatani bidingoba che•em che•em agan-golpogrikaniko dakangaha.
US-ni BLADE baksa a•dokni Minister agangolpogrikaniko dakangaha, jean chongipa aircraft operation-ko chalaigipa dol ong•achim, ia dol a•bachengo Pakyong-oni Bagdogra-ona chalaianiko dakna miksongenga, jamano ia chongipa aircraft operation-ko Pakyong-oni Delhi-ona watna gita chanchisamsoaniko dakenga. Uamangni dol, Pakyong airport-ona re•ange nianiko dakenba, airport-ko nirok simsakani bidingo kusi ong•aniko parakatan baksana ta•raken chongipa aircraft operation-ko chalaianiko a•bachengatna altuen man•gen ineba parakataha. Iani gisepon, uamangni dol, chongipa aircraft operation-ko a•bachengatani bidingo antisani gisepon che•em che•em segimin proposal-rangko ong•anggnok.
Bangalore-ni investor-rang, mi rokkomsa, gom, mi aro merakku-oniko chu tarina gisiko skaniko parakataha. Jenan uamang tangka gong crore 70 mangni gita tangkarangko jakkalangan baksana salprako sak 100 kam ka•gipa manderangko jakkalenba uamangna janggi tangani cholrangkoba on•anggen.
Uamang Excise Department-ni Advisor, Shri Bedu Singh Panth-ko grongenba, uamangni project-ni gimin talate on•angaha.
Water ATMs ba ringani chiko donchakgipa machine-ba mongsonggipa ge•sa project ong•a, jekon Sikkim-ni bang•a dingtang dingtang biaprango dona gita man•gen aro uan jolo songdongenggipa aro songrebagipa manderangna namgipa chekgimin chirangko komia damo man•a dakchakani ong•gen. Ia project manderangna ringna namgipa chirangko man•a dakchakan baksana plastic jakkalaniko dontongatenba samtangtangko rongtale rakkianio dakchakaniba ong•gen. Ia water ATM-rangko jolo bading chiwalaniko dakenggipa manderang chalaina gita man•skagen.
Koborrangko man•soani gitade, Sikkim a•dokni industrial sector-ko bilakbatatna aro gisiko nangenggipa chadamberangna janggi tangani cholko bikote on•a gita, Sikkim a•dokni aro gipin a•dokni investor-rangoni koros ka•aniko bariatna gita gipin project-rangko a•dokni minister am•samdienga.
Na·simang ia video-koba nina man·gen:
Na·simang iakoba poraina man·gen: NH-217 ramako apalatna a•bachenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
