Sikkim, February 4: Sikkim Krantikari Morcha dolni chang 13-gipa a•bachengatani bilsiko a•dok gimiko maniangaha, indake a•dokni Skotong Minister Prem Singh Golay-ba, Pakyong a•jani Rhenock songo chong•motan an•tangni constituency tango ia manianio bak ra•angpaaha. Uni skanggipa election-o susaanio ua 54.9% vote-rangko ia constituency-o man•angaha.

Golay, jinmana aganprakatengon, manderangni una ka•donganiko on•anina mitelan baksana re•baenggipa bilsi 5-ni gisepo constituency-ni ning•o donggipa manderangni namgnina kamrangko ka•anggen ine ku•rachakangaha. A•dokni Skotong Minister ong•ani a•sel, a•dokni ning•o donggipa dam 32 constituency-rangko nina nangenba election-ni jamano ja 7-na re•bae nina gita man•jahanina jinmao kemakoba bi•angaha. Iani gisepon, uni constituency-ni ning•o da•o kamrangko namen a•bachengatgnok ineba ua ka•donganiko on•angaha.

Rhenock aro Soreng Chakung biapo susagenchim ong•oba, Skotong Minister Rhenock-ko uni mongsonggipa constituency dake seokaha. Soreng adita bilsirangna skangan tang•dobataniko nikna gita man•aha, indiba da•o Pakyong a•jani Rhenock namroro silroroanina namgipa dakmesokani ong•skagnok ineba ua janapataha.

Ia bilsio, SKM-ni Foundation Day-ko dal•e manigija, jolni MLA-rang baksa constituency damprakon manianiko dakangskaaha.

Golay, Sikkim Sukumbasi Welfare Scheme-ni ning•o sak 27 man•a kragiparangna a•ani lekka pancharang suale on•angan baksana Sikkim Garib Awas Yojna-ni ning•o house allotment order-rangkoba pakwate on•angaha.

Ayodhya-o donggipa Ram Mandir gita dakgipa chacha mondir nokko Rhenock-o rikna miksongani baksana bilsi 3-ni gisepon ia mondir nokko matchotatgen ineba Golay parakataha. Golay, Gangtok-o mande gapketaniko komiatna gita Rhenock aro Pakyong-ko damgipin Skotong song dakatna gitaba janapatan baksana ia gitalgipa songjinmako “simpli-city” ine bimungkoba donataha.

Online gita so•so jengjeng ong•atanirangko giproroatjachina aro jemangan manigija daka uamangni kosako rakgipa ja•ku de•anirangko dakgen ine mikrakatanikoba Golay on•angan baksana, Sikkim a•dokko Darjeeling baksa chaprimani gimin tol•e jangbingbangani giminba ua jechakaniko dakataha.

February 10 tariko, opposition dolrangoni namnikgijagiparang donggenchim ong•oba uamangni dol New Delhi-ona dol 12 jatrangna tribal status-ko on•a agan-golpogrikanirangko dakna gita re•anggen inenba Golay parakataha. Una agreba, ua medical seat reservation-ni gimin Supreme Court-ni tik ka•giminni gimin janapatengon, Sikkim-na on•gimin bilrang naljoken dongenga ineba ka•dongataniko dakangaha.

February jani 7 tariko, Uttar Pradesh-ni Skotong Minister Yogi Adityanath-ni okamaniko man•e Golay aro uni gipin MLA-rang Maha Kumb-o bak ra•na gita re•anggen ine parakataha.

Na·simang ia video-koba nina man·gen:

Na·simang iakoba poraina man·gen: Mikkangchi bijolirangko nambate on•a gitasa bijolirangko kimitenga: Power Minister AT Mondal

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub