Gangtok, May 15: Sukrobar salo, Sikkim a•dokni bilsi 50 gapaniko maniengani gimin ia salo, git ring•anina mingsingako man•gipa Maqsood Mahmood Ali, ba jekon manderang ‘Lucky Ali’ ine ma•sibattokachim, Gangtok-ni Paljor Stadium-o gitrangko ring•e manderangko an•saoatanggen.
Ia Lucky Ali-ni Sikkim-o skanggipa changna gitko ring•e mesokaniba ong•gen.
Sikkim a•dokni skotong Gangtok songjinmako, uni skul poraie dal•drobagipa Mussorie hill station baksa toe janapatengon, ia biapara uko uni poraiengmiting somoirangko gisik ra•atpilaha ine Ali aganaha.
Gangtok songjinmani rongtal an•talanina aro lekka porako on•anio Sikkim a•dokni damsa mongsonggipa biap dake ong•engani giminba Ali mittelpilangaha.
Ua saksa robol kal•aniko namnikgipa ong•e, Sukrobar salo Sikkim Premier League football tournament-ni final kal•anio dongpana man•engani giminba ua an•tangni kusi ong•aniko parakangaha.
Sikkim a•doko SPL gita dakgipa kal•susaanirangko ong•ate robol kal•aniko tang•doatengani gimin ua Sikkim-ni Chief Minister Prem Singh Golay-koba mittelpilangaha.
Na·simang ia video-koba nina man·gen:
Na·simang iakoba poraina man·gen: Synod College-o ong•atenggipa Seminar-ko CM a•bachengate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
