Gangtok, Nov 8: Sikkim-ni skotong minister gitcham Pa Sanchaman Limboo ru·utbee saanirangko man·ani ja·man da·al Robibar attamchibara Gangtok-ni Sir Thutob Namgyal Memorial (STNM) Hospital-o janggi galaha. Ua bilsi 73 gape janggi tangangaha.
Pa Limboo, Yangthang Constituency-ni ning·ogipa saliram Sikkim-o January 15, 1947 bilsio atchiaha. Ua, Sikkim-ni brigipa skotong minister ong·achim.
Gimik jadokrangna baianggipa Congress sorkariko a·doko rikangani somaio, gimik sal 179 (June 17, 1994 oni December 12, 1994)rangna brigipa assembly-o ua, Sikkim-ni skotong minister ong·angaha.
A·dokni skotong minister ong·e Limboo-ni dikdiksa somaina dangdike on·angmitingo uamangan Mandal Commission report-ko Sikkim-o a·bachengataha.
Indake, uni jikgipa, demechik saksa aro depante sakgniko wateming jringjrotna neng·takna re·angsoaha.
