Gangtok, Oct 5: Re•anggipa Budbar salo, Sikkim a•dokni salgro jolo donggipa Lhonak Lake kosako rang•san mikkarang jime waangani ja•man Teesta chibima dal•bae chi bananganio manderangni siani da•o sak 14 gapaha aro sak 22 Army-rangko man•chape sak 100-na baten manderang gimaenga.

Official-rangni u•iatani gitade, Sikkim a•dokni dingtang dingtang biaprango chi bananganichi da•o sak 22,000-na baten manderang neng•nikanirangko chagrongna nangtokengaha aro da•o dipet sak 2000 manderangkode Indian Army aro NDRF-ni sipairang, naljokgipa biaprangona apjitatna man•aha.

Sak 26 manderangde saknaanirangko man•ahani gimin hospital-rango sanna bananirangko ra•enga ineba official-rang parakataha.

Sikkim a•dokni Mangan, Gangtok aro Pakyong a•jarango manderangni saknaa man•ani aro gimaanirangko kobor man•soaha ine janapatengon, gipin biaprangoni re•bagipa tourist-rangoniba sak 3000-na baten Sikkim a•dokni dingtang dingtang biaprango jachange dongna gita nangtokenga ine official-rang parakataha.

Indake ong•engon, Pakyong, Gangtok, Namchi aro Mangan a•jarango donggipa pilak skulrangkon, October-ni 8 tarikona chipe donchina sorkari ge•etaniko on•ataha.

Sikkim a•doko obostarang namkujaengani gimin mikrake dongchina aro da•o dipet songre songgabatanirangko dakkujachina gitaba Sikkim a•dokni chief minister PS Tamang Golay didiataha.

Iakoba poraie nina man·gen: Sikkimo Pakyong airportni guare mikkana be·prakenga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub