Gangtok, Jun 10: Sombar pringo, Sikkim a·dokni Namchi a·jao donggipa Yangang jolrango mikkarang jimbee waangani ja·man chirang bane aro a·arang ruronge, komibeoba nok te·gittamko nisi galahani a·sel mande sakgittam siangna gita nangaha.
Sianggipa mande sakgittamni bimingranga, Yabha Subba, Bishal Rai aro Manita Rai ong·achim.
Koborko on·ani gitade, Robibar walonin mikkarang jimbee waanganichi, Sombar pringo Yanganh jolrango chirang banna gita a·bachengaha aro Majuwa songni nok te·bongako chi man·angaha.
Namchi a·jani district magistrate Annapurna Alley-ni parakatani gitade, ia nok te·bongako chi man·anganio mande sakgittam sina nangaha aro sakgipin mande saksa bilongbee saknaanirangko man·ahani gimin uko ta·raken Singtam District Hospital-ona ra·angaha.
Ia a·sel ong·anio gipin manderangba saknaanirangko man·aha aro uamangko ta·raken STNM hospital-ona ra·angaha ine kobor on·timgiparang parakataha.
Indake ong·engon, ia jolrango chi bananichi Singtam-oni Yangang-ona dakanggipa rama Sirsey jolo champengatako man·aha aro Dikchu-oni North Sikkim-ona dakanggipa ramaba Makha samba jolo champengatako man·aha ine official-rang u·iataha.
Na·simang ia video-koba nina man·gen:
Na·simang iakoba poraina man·gen: Gittamgipa changna PM Modi office-tangko jako ra·ea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
