Guwahati, August 14: Assam-ni Silchar Medical College aro Hospital-o kam ka•enggipa pilak me•chik doctor-rang, poraienggipa me•chik bi•sarang aro staff-rangko chi•indik dakgipa biaprang, andalgipa biaprang aro mande bang•gijagipa biaprangko gelchina gita ge•etananiko on•angaha.
Ru•utgija salrangna skang mangmang Kolkata-ni R. G. Kar Medical College-o ra•chakna man•gijagipa obosta ong•ani a•sel a•songni manderangko ding•chaoata jaman ia ge•etaniko on•angaha.
Assam-ni Silchar Medical College-o poraianggipa pilak me•chik bi•sarangkon uamangni dongchakenggipa nok ba hostel-rangoni skatang walo ong•katjachina aro bebe gita nangchongmotani ong•ode authority-ni manderangna u•iatesa ong•katchina ge•etanirangko on•ataha.
Una agreba, poraienggipa me•chik bi•sarangko u•igija manderang baksa agan-golpogrikanirangkoba gelaniko dakchina u•iataniko dakangaha.
Medical poraienggipa me•chik bi•sarang duty ba kamtangko ka•engon, gisikko ka•sinate, samtangtango ong•enga obostarangni bidingo gisiko mikrake dongchina aro namgijagipa ba kajia a•botrakgipa manderangna cholko on•jana gita jinma baksa name agan-golpogrikaniko dakchina gitaba u•iataniko on•angaha.
Maiba neng•nikani ba a•selrang ong•genchim ong•ode, Gender Harassment Committe-ni Chairman ba memberrangna, Disciplinary Committee-na, Internal Complaint Committee-na aro Anti Ragging Committee-na ta•raken u•iataniko dakchinaba ia ge•etanio janapataha.
Campus-ni ning•o aro corridor-rangoba attam simsimahaon, pilak iano kam ka•giparangna jajrenga gri re•rurana man•a gita light-rangko teng•atchina aro denggu dakgipa dolrangna namgija kamko ka•na altugipa biaprango CCTV camera-ko donchinaba ia ge•etanio janapaniko dakangaha.
OPD ba sagipako nigipa nokdring, sagiparangko dongipa nokdringrang, casualty , labor room-rang, hostel-rang aro residential quarter-rang baksana Medical College aro Hospital Campus-ni gipin bangbanggipa biaprangoba chu•onga gita naljokaniko on•a man•a gita me•a aro me•chik security staff-rangko donchinaba ge•etanio u•iataha.
Uasan ong•aigija, medical poraienggipa chatri-ni kosako kragija kamrangko ka•ani bidingo college management-ni gita name am•sandianiko dakan baksana police-o FIR-koba segatna nanga ine ia ge•etanio janapataha. Maiba a•sel ba obosta ong•genchim ong•ode konta 48-ni gisepon uni kosako mai ja•ku de•anirangko dakahachim uni gimin kakket ong•e che•em che•em segimin report-ko National Medical Commission (NMC)-na watatna gita nanggen.
Na·simang ia video-koba nina man·gen:
Na·simang iakoba poraina man·gen: Ganesh Das Hospital-o Babies’ Critical Care Unit-ko CM oprake on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
