Silchar, March 22: Sukrobar salo, Silchar NIT-ni Electrical Engineering Department-ni Assistant Professor Dhenukonda-ko, chatri saksako til·ekdra·anina section Bharatiya Nyaya Sanhita (BNS)-o pangchake rim·aha, inenba Cachar-ni Superintendent of Police (SP) Numal Mahatta u·iatangaha.
Police dolrangni u·iatani gitade, badi ka·gipa chatriba aro uni nokdangni manderangba ia Professor-ni kosako FIR-ko segataha.
Matnangako man·gipa Professor, an·tangni dongchakgipa quarter-ko a·palchini dala ketchangenba katna gita jotton ka·ahachim, indake ong·engon, police dolrang uni phone-ni location-ko sandienba attamni 5:30 bajimango uko rim·enba, pattok ning·o donataha, inenba police official saksa u·iataha.
Silchar NIT-ni Director Prof. Dillip Kumar Baidya, Registrar Ashim Roy baksa high-level meeting ba tom·bimonganiko ong·atenba, Civil Services rule-ni ning·o Professor Dhenukonda-ko kamoniko dondikataha. Iani gisepon, Internal Complaints Committee (ICC) ia ong·a obostani bidingo am·sandianiko dakan baksana ia obosta ong·chakgipa biapko chipchange donataha. Institute-ni gita badi ka·gipa chatri-na chakpaaniko on·an baksana campus ning·o naljokaniko on·a ku·rachakangaha.
Na·simang ia video-koba nina man·gen:
Na·simang iakoba poraina man·gen: Taritaigimin Prerna Stal aro Prerna Park-ko 1971 war-o janggitangko on·kanggipa matgrikrangna on·kanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
