Tura, Oct 20: October 20 tariko Dalmang Bajengdoba-oni bilsi 30 ong·gipa Simnang Sangma jekon police rang re·anggipa antirangonin silchidare chimongani bidingo sandiengachim an·tangko ua Bajengdoba Police Station o bame on·eaha.
Sriksrik koborrangko man·enba Police-rang uni nokko October 13 tariko am·sandion bang·gija taripnikgipa aro joltango tarigipa silchidarerang baksa brim kongtok sipairangni ganding rangkoba man·ahachim.
Uni nokko am·sandiani somoio Sangma kate dongengachim indiba ua ja·mano an·tangko Bajengdoba Police Stationo bame on·an baksa sorkari baksa ku·mongaaniko mesokangaha ine North Gari Hills ni Superintendent of Police Pa Abraham T. Sangma aganaha.
Obostako am·sandiroroan baksana uni kosako IPC ni dingtang dingtang section rangni ning·o mokordomako segatangaha.
(Translated by Neenah A. Sangma)
