Shillong, Apr 26: Silchidare ra•bitgipa dolni saksa dilgipa, Sukrobar pringo, Khanapara police station-ni lock-up-o an•tangko so•ote siaha.

Rudra Rabha-ko re•anggipa April-ni 24 tariko, Arms Act-o pangchake police-rang rim•ahachim aro uko Bristibar salosan kachario mikkangpaatenba, salbongana police-rangni ning•o donkuchina rai on•atahachim.

Police-rangni u•iatani gitade, kachario uko bichal ka•on ua silchidare bolsako buringo dongnuaha ine ku•rachakenba, ia silchidareko mesokna gita police-rangko ua biapona rimangnaba ku•rachakaha aro uandaken uni dilanganichi police-rang, Ranibari jolo donggipa buringo dongnue dongipa silchidare pongsako man•aha.

Silchidareko man•ani ja•man, ia mandeko police-rang, April 26 tarik pringwalni 1:05 bajimango Khanapara police station-ona rimangpile lock-up-o chipatahachim indiba Sukrobar pringni 4:00 bajimango, kamo ong•enggipa sipai saksa, ia mandeko lock up ning•on kae siakosa nikaha ine Ri Bhoi a•jani SP Jagpal Dhanoa parakataha.

Na·simang ia video-koba nina man·gen:

Na·simang iakoba poraina man·gen: Heatwave ong•engani gisepo skulrangni a•palo daka rikanirangko dakatatjachina, a•dok sorkari champengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020