Shillong, Dec 17: Meghalaya a•dokni Indo-Bangla sima jolo Bangladesh a•songni Bayraktar TB2 Unmanned Aerial Vehicle (UAV)-rangko nikani ja•man Meghalaya sorkari, ia drone-rangko mikrake nirikkina a•bachengataha ine a•dokni Deputy Chief Minister aro Home Minister Prestone Tynsong parakataha.
Meghalaya aro Bangladesh a•songni gisepo kilometer 443 simarang donga aro adita salrangna skangsan, East Khasi Hills a•jani Sohra aro Shella samba jolo donggipa sima jolo Bangladesh a•songni UAV-rangko nikna man•ahachim.
Iani bidingo kobor ra•timgipa manderang baksa agangrikengon, ia jolrango Bangladesh a•songni drone-rangko nikna man•ahani gimin India sorkarina u•iataha aro iani bidingo ma•mong sorkari baksana a•dok sorkariba mikrake nirikkina a•bachengaha ine Tynsong aganaha.
Iani bidingo jajrengjachina gita a•dokni manderangko didiatengon, a•dok aro ma•mong sorkarirang nangani kri ja•kurangko de•anggen aro iani bidingo ma•mong sorkari, Bangladesh sorkarina u•iatskagen ine Deputy Chief Minister aganaha.
Iani bidingo nanga gita ja•kurangko de•china ua a•dokni Chief Secretary aro Director General of Police (DGP)-na ge•etaniko on•atmanaha ineba Tynsong aganaha.
Na·simang ia video-koba nina man·gen:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
