Guwahati, Mar 18: Assam a•dokni simarango donggipa Meghalaya a•dokni mitam songrango sorkarini dakchakanirangko man•jaengani a•sel neng•nikanirangko chagrongna nangtokenga ine matnangtokaha.
Ia jolrango songdongenggipa manderangni parakatani gitade, Meghalaya a•dokni Ri Bhoi a•ja ning•o ga•akgipa Balahari, Maudem, Rajkhumai, Umsafar aro uandakgipa songrangona sorkarini maming namroro silroroani kamrang sokangjaengani a•selan songni nokni manderang neng•nikanirangko chagrongna nangtokenga.
Ia songrangara, 10-Jirang Assembly Constituency-ni ning•o ga•akgipa songrang ong•a aro ian Assam a•dokni South Kamrup a•jao donggipa Chandubi song baksa nangchapgipa songrang ong•a.
Ia songrango komibeoba sak 7000 ba 8000-mangni gita Khasirang songdong a•chatokenga indiba ia songrango maming namroro silroroanirang dongjani a•sel songni manderang, pilakni gitan neng•nikanirangko chagrongna nangtokenga ine u•iataha.
Jolo songdongenggipa manderangni u•iatani gitade, ia songrango rama jal•langrang, ringani chirang, bijolirang aro sanna banani cholrangba dongja aro ia songrango skul, hospital-rangba dongjae songni manderang, pilak kamnan Assam a•dokosa pangchakna nangtokenga.
Ia songrango chagrongna nangenggipa neng•nikanirangko talate on•angengon, “Anga ia songo bilsi 19-na janggi tangaha indiba da•alona kingkingan maming namroro silroroaniko nikna man•kuja. MLA-rang election-ni somoirangosan vote bi•amna gita ia songrangona re•baenga indiba uni ja•mande MLA, sorkari officer darangan sokbajaha,” ine songni mande saksa parakataha.
Na·simang ia video-koba nina man·gen:
Na·simang iakoba poraina man·gen: Rongsak St. George School-ni Basket Ball Court-ko Marcuise N. Marak oprake on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
