Williamnagar, Apr 29: Mongolbar salo, East Garo Hills a•jani Soil & Water Conservation department, Simsang chibisikni wilwilao donggipa dingtang dingtang Nokmarang aro dolrang baksa nangrime, Simsang chibimani wilwilao donggipa dingtang dingtang chiring chibisikrangko tange rakkiani bidingo awareness program-ko Williamnagar-ni DRDA Hall-I-o ong•atangaha aro ia program-ko ong•atanio, Meghalaya a•dokni Soil & Water Conservation Minister Marcuise N Marak, mongsonggipa sokgipa ong•e bak ra•angaha.
Ia tom•anio, Soil & Water Conservation Minister, jinmana aganprakengon, a•doko namroro silroroaniko ra•bana gita sorkarini ka•enggipa kamrangni bidingo aganangenba, songo noko donggipa manderang aro dingtang dingtang dolrangni bakrimanichi Simsang chibisik samba jolrango a•ba o•e cha•aniko champengna dingtang dingtang cholrangko ra•gatanggen ine parakangaha.
Simsang chibimani wilwilao donggipa dingtang dingtang chiring chibisikrangko tange rakkina gita bakan Detailed Project Report (DPR)-ko tarie, Brahmaputra Board-na on•anggnok ineba Marak aganaha.
Ja•mano ua, Simsang chibisik jolrango donggipa dingtang dingtang Nokmarang baksaba agan-golpogrike, joltangtango a•ba o•e cha•aniko champengna sorkarini ja•ku de•anio bakrimaniko on•china didiangaha.
Ia tom•anio, East Garo Hills a•jani Deputy Commissioner Reuben Ch Momin-ba jinmana aganprakengon, samtangtango ong•telaigipa buring bolgrimrangko nisie galani a•sel aro a•barangko so•engani a•sel maikai mandena aro samtangtango ong•telaigiparangna nangchakeaniko ra•baengachim, uarangni gimin agan-talatanirangko on•angaha. Simsang chibimani wilwilao donggipa dingtang dingtang chibisikrangko chel•chakna gita Sloping Agricultural Land Technology (SALT) aro gipin cholrangko ra•gatchina gitaba Momin didiangaha.
Ia program-ko ong•atanio skie on•gipa Tura-ni Tingring R Marak-ba jinmana aganprakengon, Simsang chibimako, chibisikrangonin chel•chake rakkina nangengani gimin agan-ku•pattianirangko on•angaha.
Iana skang, tom•a a•bachengao, Simsanggre (T) Division-ni Divisional Soil & Water Conservation Officer Corbeth Homa D Sangma, rimchaksoani kattarangko aganangskaengon, Science-ni bewalo gama ge•anirangchi aro bolrangko ge•daproroe Simsang chibimani chibisikrangko tange rakkichina didianiko on•angaha.
Na·simang ia video-koba nina man·gen:
Na·simang iakoba poraina man·gen: Khasi, Garo ku•sikko Bhashini App-o ra•gatna MoU-o soi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
