Williamnagar, Dec 17: Sonibar salo Rongrenggre Govt. Higher Secondary School-ni kal•chakram biapo salgnina ong•atanggipa Simsang Festival, 2023 name matchotangaha.
Ia maniani Grand Finale-o, Meghalaya a•dokni PHE unbaksana Soil and Water Conservation aro Housing-ni Minister, Marcuise N Marak, mongsonggipa sokgipa ong•enba mikkim gnangataha.
Indake ia manianio aganengon, a•jao dongenggipa manderangni changa sapaniko aro dingtang dingtang bakrango jekai, kal•susaanio, git ring•anio aro ma•manti bosturangko sol•a repani kamrango changa sapaniko mesokna chol on•na gita aro iandakgipa manianirangchi on•enggipa cholrangko ra•china gita chadamberangko didina ine miksongenba ia manianiko ong•atani ong•a ine Marcuise talate on•angaha.
Unbaksana, mikkangchiba chadamberang an•tangtangni changa sapaniko mesokna man•na gita iandakgipa cholrangko sorkarini gita on•angkugen ineba ua u•iatangjolaha.
East Garo Hills a•jani Deputy Commissioner, Vibhor Aggarwal-ba, rimchaksoni kattarangko aganan baksa, ia manianiko mingsing minggamani aro ia Festival-ona manderangni re•bae bakko ra•anirangba bilsiantian batroroengaha ine aganangaha.
NRLMs aro Self Help Group-rangna Lakhpati Didi Schemeni ning•o, mongsonggipa sokgipa, cheque-rangko suale on•angaha.
Iarangna agreba, ia manianio, kal•susaani, git ring•susaani, chroksusaani, song•a ritaniko daksusaani, A•chikrangni dakmandaoniko tarigipa chola-barako gan•e susaani aro unbaksana attamni bako Miss Simsang 2023 na susaani aro A•chikrangni mingsinggipa Do•pos dolrang ring•mesoke nigiparangko bilongen an•saoatangaha.
Ia salgnina ong•atgipa Simsang Festival 2023-ona sokbagipa manderang salantian sak 10000 na batgenchimoba, mamung golmal-gondogol aro a•sel ong•anirang dongja, pilakan ku•si ong•e aro an•senge noktangtangchi re•angpilaiaha. East Garo Hills ni Deputy Commissioner, Vibhor Aggarwal aro Additional Deputy Commissioner indake manderangni an•senge aro ku•si ong•e ia Simsang Festival-ko name matchotatna man•anina Hub News-ni gita dingtangmancha mittelataha.
Iakoba poraie nina man·gen: Jik bang•e ra•aniko champengna tarigimin bill-o ‘Love jihad’-ko napata: Assam CM
Watch
