28.2 C
Tura
spot_img

Singho jorasako Akbar aro Sita mingana forest officialko kamoniko ra·gala

Must read

Agartala, Feb 27: Tripurao singho bima-bipa manggniko Akbar aro Sita ine biming donani gimin meligrikgijani nakataha. Iani bidingon Wildlife aro Ecotourism-ni Principal Chief Conservator of Forests, Prabin Lal Agarwalko kamoniko ra·gale donchengaha.

Kobor man·ani gitade, singho bima-bipako Akbar aro Sita mingani bidingo ua officialan a·dokni cabinet ministerrangko u·isretaona dilangaha ina.

Matburingrangko on·grikani bewal aro Central Zoo Authority-ni dongimin niamrangko ja·rike, Tripura Sepahjihala Wildlife Sanctuary-ona matcha nokma, matchapeng, do·grik aro gipin do·orangba sokbaaha. Uarangko Siligurio donggipa North Bengal Zoo-oniko ra·angaha.

Singho bima-bipako Akbar aro Sita mingani gimin Bengal jolni Vishwa Hindu Parishad kachario badi ka·aha. Unon Calcutta High Courtni Jalpaiguri Circuit Bench, matburingrangko isol ba mitde ba rongtala ine chanako man·gipa mande aro mingsinggipa manderangni bimingrangchi mingna nangja ine rai on·aha.

Tripura a·dok sorkarini parakatani gitade, Agarwal-ni kamni bidingo maiko dakdapangkugen uko tik ka·gija donkuenga.

Na·simang iakoba poraie nina man·gen: Ampati-o PM Vishwakarma awareness program-ko ong·ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article