Guwahati, May 29: Mizoram a•doko dontonggija mikkarang waangani ja•man Singla aro Longai chibimarang ditdobaenba, Karimganj-o a•a be•wakanirangko nikna man•aha.

Jolo songdongenggipa manderangni u•iatani gitade, Karimganj a•jani Baraigram jolo donggipa Changjurirpar songo Longai chibima ditobaenba, chibima rikamo kapenggipako metre 30-mangni gita chi man•angaha aro Bilbari songoba Patharkandi Assembly constituency-ni chi kapenggipako man•angaha.

Longai chibimaoni chirang joksrubae, sorkari skul damsakoba chi man•angaha aro Ratabari Assembly constituency-oba Singla chibima ditdobae, bang•a songrangan chi banako man•aha ineba jolo songdongenggipa manderang parakataha.

Jolo songdongenggipa manderangni parakatani gitade, Mongolbar attam 5 bajimangonin Budbar salona kingking a•arang rurongaha aro komibeoba metre 60-mangni gita a•arangkode chibimarang man•angaha.

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub