Tura, May 13: A•songko warachakenggipa sipai dolrangna bakrimaniko mesokna gita West Garo Hills aro East Khasi Hills a•jani District Administration-rang, Tura aro Shillong-ni biker-rang baksa nangrime, Bike Rally-ko ong•atangaha.
Tura-o ia Bike Rally-ko a•bachengatna skang, West Garo Hills a•jani Deputy Commissioner Vibhor Aggarwal, Bike Rally-o bak ra•enggiparangna aganprakengon, ia somoirango a•songko chel•chakna gita rakbee aro ka•dongbee kamrangko ka•enggipa a•songni sipairangna bakrimaniko mesokna ia bike rally-ko ong•atenga ine parakataha.
Ia Bike Rally-o bak ra•ahani gimin Garo Hills-ni Royal Enfield Rider-rangko mittelpilangengon, ramarango pangnan simsake bike-rangko salchina aro pangnan a•song baksa bakrimchina Deputy Commissioner didiangaha.
Ja•mano ua ia Bike Rally-ko jinmani mikkango a•bachengate on•angaha aro ia bike rally-ko a•bachengatanio, West Garo Hills-ni Additional Deputy Commissioner (ADC)-rang aro gipinrangba dongpae bak ra•angaha.
Apsan daken Shillong-oba ia bike rally-ko East Khasi Hills a•jani Deputy Commissioner RM Kurbah-ni dilanichi ong•atangaha aro ia bike rally-ko Additional Deputy Commissioner (ADC) Shanborlang Warjri, Golflink-oni a•bachengate on•angaha.
Ia bike rally-ko State Central Library-o matchotataha aro ia bike rally-ko matchotatanio, East Khasi Hills a•jani Deputy Commissioner RM Kurbah, jinmana aganprakengon, a•songko chel•chakenggipa sipai dolrangna mande ra•pilskaaniko on•angenba, sipai dolrangni tusipilgija a•songko warachakengani giminsa a•songni manderang tom•tome tusina man•skaenga ine aganaha.
Ia bike rally-ko ong•ataniara sipai dolrangko mittelpilskaani chin ong•enga ineba ua aganaha.
Na·simang ia video-koba nina man·gen:
Na·simang iakoba poraina man·gen: VPP ni KHADC na MDC nominate ka·gipako sorkari ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
