Tura, April 11: A·chik a·songo skanggipa changna a·bri maldoani bidingo Turani PA Sangma stadium-o ong·atangaha. April jani 10 tarikoni ia skie on·aniko a·bachengatenga jeon Turani wilwilao donggipa skulrangoni sak 80 bi·sarang skie ra·enga.
Ua campko Meghalaya Sports Climbing and Mountaineering Association Shillongni changgipa-sapgiparang ong·ate skie on·enga. Ia skie on·anio jaktangchi dake nianirangko on·e a·bri maldoao nanggipa ostrorangkoba suale on·jolangaha.
Bi·sarang baksa re·bapagipa skigiparangba iana kusi ong·paaniko paraktokaha.. District Sports Officer Saljagring M Sangmaba iano namen kusi ong·aniko aganaha. ” A·chik a·songo iandakgipa skie on·anino nike anga namen katchabea, bi·aarangba ta·raken changtokia aro namen gisik nangtoka” DAO Saljagring M Sangma aganangaha.
Walambok Lyngdoh jean Indian army ong·e namen iani bidingo ui-masigipa ong·a. Ua Meghalaya Sports Climbing oba General Secretary ong·enga bian ianoba bi·sarangna nambee skie on·angaha.
Ia skie-on·ani campko District Sports Office Tura aro District Administration aro Meghalaya Sports Climbing Mountaineering Association baksa meliw ong·atangaha.
Na·simang ia video-koba nina man·gen:
Na·simang iakoba poraina man·gen: Meghalaya a·dokni skulrango Khasi aro A·chik ku·sikrangko compulsary subject dakatna ku·pattia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
