Shillong, Mar 14: Meghalaya Filmmakers’ Association (MeFilma)-ni skanggipa changna ong•atenggipa Meghalaya International Film Festival-ko Mongolbar salo, Shillong songjinmani State Central Library-o a•bachengataha.
Ia salbongana ong•atenggipa Meghalaya International Film Festival-o ming 65 jawilwat aro documentary-rangko mesokanggen aro ia festival-ko March-ni 18 tariko ia apsan biapon matchotatgen.
Ia Meghalaya International Film Festival-ko a•dokni Tourism aro Art & Culture Minister Paul Lyngdoh, do•ga oe on•angaha aro iano film industry-ni mingsing minggamako man•gipa Adil Hussain-ba dongpae bak ra•angaha.
