Tura, Oct 20: “Green Meghalaya” -ko a·doko a·bachengate on·ani ning·o, Meghalaya-ni skotong minister Pa Conrad K Sangma, ong·telaigipa gamrang aro buring-bolgrimrangko nirok-sandie ripingna ja·kurangko de·ate songoni ba gittimoni dingtang dingtang kamrangko ka·enggipa dolrangna Bristibar salo cheque-rangko suale on·angaha.
Distributed financial assistance to village and community heads at Baghmara, South Garo Hills under ‘Green Meghalaya’ a unique scheme for supporting communities, clans & individuals in conservation of forests & its natural resources.@PMOIndia @byadavbjp @moefcc pic.twitter.com/WZRSBpSRGo
— Conrad Sangma (@SangmaConrad) October 20, 2022
A·doktango gnanggipa buring-bolgrimraragipa biaprangko aro uni gam-jinrangko ripinge uarangko tangsekgilgil ong·atpilna kamrangko ka·enggipa song ba gittimna tangka-paisarangchi dakchakaniko on·na aroba uandakgipa biaprangko ripinge rakkiangna gita dingtangmancha miksonge a·bachengatgipa “Green Meghalaya”-ni gita samtangtangko ripingna ja·kurangko de·atani gimin on·pilskaaniko dakaniara mingsa namgipa kam ong·a ine nikatna man·a.
Iani bidingon, Bristibar salo Baghmara songjinmao programko ong·atangenba samtangtangoni buring-bolgrimrangko ripinge rakkianina dakchakskaani gita song dam chetna a·dokni skotong minister, joltangni MLA Pa Rakkam Sangma-ni dongpaanio cheque-rangko suale on·angaha.
Tom·ao agananganio, ong·telaigipa a·jani gam-jinrangko ripinge rakkiangna gita songni-nokni mande sakantikon nangrime kamko ka·angchina gita skotong minister songni manderangko didiangaha.
