Tura, July 26 : Meghalaya a•dokni Skotong Minister Conrad K Sangma, South West Garo Hills-ni Betasing C&RD block-na gital rikgipa building-ko, C&RD Minister Abu Taher Mondal, MLA-rang chongmotan Sanjay A Sangma, Ian Botham K Sangma and Subir Marak ma•angni dongpaanio nokdonggae on•angaha.
Tom•anio aganengon, Skotong Minister Conrad K Sangma, jinmana dangdike on•ani ba namgnirangko manderangona sokatna man•a gita sorkari songo noko donggipa building-rangko namdapatna on•kange kamrangko ka•enga ine u•iataha.
“Sorkari ge•sa ong•e, chinga songo noko namroro silroroaniko ra•bana gita songo noko chinga bang•a rika cho•ani kamrangko namdapatna jotton ka•enga. Iako chanchibewalaniko dakenba, chinga gital block office-rangko rikanirangko dakan baksana Primary Health Center (PHC)-rang, Community Health Center (CHC)-rangko taripiltaiani ba taridapanirangko dakenga aro a•dokni pilak sorkarini Lower Primary School-rangko tang•dobatatanirangkoba dakenga,” inenba ua agandapangkuaha.
Uasan ong•aigija, sorkarini gita songadamrango gital block office-rangko rikna gita tangka gong 120 crore-ko chammataha. “Ia bilsini gisepon ia gital block office-rangoni 60%-kode matchotatenba nokdongganiko dakgen,” inenba ua parakataha.
Block office-rangni kam ka•anirangko namdapatna aro manderangni nangan salo altuae sokna man•a gita, Skotong Minister Sangma, South West Garo Hills-ni Deputy Commissioner-ko building-rangko nangdapani gimin proposal-ko on•china gita u•atangaha.
“Block office-rangona manderang re•angon, uamangna asongchake sengna gita biaprangko chinga nangnika. Maming neng•nikanigri namgipa dakdike on•aniko manderangna on•anian chingni miksongani ong•a,” inenba ua agandapangkuaha.
Na·simang ia video-koba nina man·gen:
Na·simang iakoba poraina man·gen: Conrad-ni ku•chakgimin gita waiting shed-ko rikna lak 2-ni cheque-ko butchuma saksana on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
