Tura, Sept 30: Farmer’s Collectivization for Upscaling Production and Marketing Systems (FOCUS) programme-ko South West Garo Hills-ni ning·ogipa Zikzak songo ong·atangenba a·dokni skotong minister Pa Conrad K. Sangma, Bristibar salo ge 17 Producer Group-rangna gong lak 13.70-rangni cheque-ko on·angaha.FOCUS, ian game-ge·e cha·giparangni namgnina dingtangmancha a·bachengatgipa Meghalaya-oni dal·batsranggipa Farmers’ welfare program ong·a aro ia programni gita a·dokoni pilak game cha·giparangni janggi tangani gadangrangko tang·doatna gita sorkarini miksongani ong·a. Program-o producers group baksa agangrikanganio, game cha·giparang uamangni dingtang dingtang kamrango sorkarioniko bang·bata dakchakanirangko man·na amna gita game-ge·e cha·gipa dol ba organisation-rang baksa a·dok sorkari apsan nangrime kamko ka·gen ine skotong minister aganangaha.

Pilak game cha·giparangni namgnina Meghalaya sorkari on·kange kamko ka·enga aro ia FOCUS Programmme-ni ning·o mikkangchi tangka-paisani gita dakchakanirangkoba on·angkugen ine Pa Sangma u·iatjolaha.