Williamnagar: November ni 26 tariko Skotong Minister Dr. Conrad K. Sangma gitalgipa Williamnagar Government College nokko rikchakatna College a·damo pangchakani ro·ongko songangaha. Songan somoio jolni MLA aro Sorkarini Chief Whip Pa. Marcuise N. Marak, Higher & Technical Education ni Director Pa. Ambrose Ch. Marak, East Garo Hills ni Deputy Commissioner Pa. Swapnil Tembe, GHADC ni gitcham Chairman Pa. Denang T. Sangma, Sorkarini Officialrang, College ni Skigiparang aro poraienggiparang bak ra·angaha.
Tom·anio jinmana aganengon, Dr. Sangma, College nokko re·baenggipa bilsini January jaoni a·bachenggen aro 2022 bilsio matchotchina somoiko donsoman·aha ine janape Sorkarini poraienggipa bi·sarangna pilak ja·ku ga·enganirangkon che·em che·em talate Williamnagar Govt. College ko namdapatanio jak on·paanina jolni MLA Pa. Marcuise N. Marakko de·mitelangaha.
Foundation laid for the new college building of #Williamnagar Govt College, in #EastGaroHills. MDA Govt. is taking necessary interventions to enhance infrastructure facilities for learning across the State, fulfilling our promise to our youth and our people. @DrRPNishank pic.twitter.com/rCSR3CelQ6
— Conrad Sangma (@SangmaConrad) November 26, 2020
A·dokni rama jal·angrangko namdapatna Sorkarini ja·ku ga·enganirangko aganengon, chasongni chasongna galchipe dongimin a·dokni pilak rama jal·angrangko namdapatna aro gital dake taridapna tangka paisarangko PWD Department na chammaha aro jat ni dakbewal rikbewal rangko sandignigipa a·dam Tribal Research Centre ko rikenggipakoba 2022 bilsiode matchotgen ineba janapaha.
Tom·anio jolni MLA Pa. Marcuise N. Marak, Higher & Technical Education ni Director Pa. Ambrose Ch. Marak aro College ni Principal Pa. Rajiv K. Marak aganangpaaha.
