Shillong, May 18: Sonibar salo, Skotong Minister Conrad K Sangma, Shillong songjinmako nitobatatna aro biaprangko apalbatatna miksonge rika cho•ani kamrangko ka•na gita 25 acre a•arangko sorkari niaha ine parakataha.
Ua PWD, Urban Affairs, Forest and Environment Department-ni official-rangni dongpaanio, Anjali Point aro Polo, Barik Point-o donggipa Phan Nonglait Park aro Brightwell Bungalow-ni PWD office-ko nirok sandianiko dakangaha.
Sorkarini gita, a•dokni apalgipa aro nitogipa daka rikaniko daksningbaenganiko mesokna gita museum-rangko aro jatni dakbewalrangko mesokani biaprangko tarina mangsonganiko janapengon, gital re•chakani rama, tangsekgipa park-rangko tarina aro Shillong songjinmako nitobatatna aro manderangna rochakani biaprangko apalbatatna miksongenga ine agandapataha.
Barik Point-o National Flag ba a•songni nisanko songgen jekon a•dokni dingtang dingtang bakrangonin niksenggipa ong•gen aro ian ku•cholsan ong•aniko aro a•songni mikkim rasongko mesokaniba ong•gen ine ua agandapataha.
Indake, bangbanggipa biaprangkoba manderangni jakkaltogipa biaprang jekai, restaurant-rang, gari park ka•e donani biap aro gipin dongtoatgipa biaprangko tarianggen aro ia project-ko, Barik Point-oni rika cho•ani kamrangko, July jaoni a•bachengate joljol September jaoni dipet gadang gadang kamrangko ka•angrorogen ine Skotong Minister parakataha.
Bolrangko dingtang dingtang biaprango ge•ani bidingo janapengon, ia gitalgipa rika cho•ani kamrangko dakengon, tangsekgipa ong•telaigipa gamrangko nosto ka•jawa ineba ua aganangaha.
Na·simang ia video-koba nina man·gen:
Na·simang iakoba poraina man·gen: Football player saksa robol kalaniko ranta ka•e romitingo Jorhat-o sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
