Williamnagar, Nov 25: Meghalayani Skotong Minister Dr. Conrad K. Sangma da·al Williamnagar ni Chidekgre gittimo donggipa Rongrenggre Model Deficit Secondary School ni gitalgipa Skul nokko nokdonggae on·angaha. Nokdonggani somoio jolni MLA aro Sorkarini Chief Whip Pa. Marcuise N. Marak, Higher & Technical Education ni Director Pa. Ambrose Ch. Marak, East Garo Hills ni Deputy Commissioner Pa. Swapnil Tembe, GHADC ni gitcham Chairman Pa. Denang T. Sangma, Hindustan Steelworks Construction Limited-ni CEO Pa. P.K.Swamy, dingtang dingtang Offic
Inaugurated the new school building of Rongrenggre Model Deficit School #Williamnagar funded by the CSR initiative of Hindustan Steelworks Corp. Ltd. The school has served the area for over 42 yrs. Gratitude to HSCL for supporting our mission to upscale school infra in #Meghalaya pic.twitter.com/OYTtjMFGG4
— Conrad Sangma (@SangmaConrad) November 26, 2020
ialrang aro jolni manderang bak ra·paaha.
Tom·anio jinmana aganengon Dr. Sangma, a·doko skia porani a·bako namdapatanian Sorkarini mongsonggipa aro skanggipa nishan ong·a aro ia nishan-ko chu·sokatani gita Hindustan Steelworks Construction Limited tangka gong Crore 1.6 ko jakkale Rongrenggre Model Deficit Secondary School ko bakkandikgipa somoini gisepon rike matchotataha ine de·mitelangaha.
A·doko skia porani a·bako namdapatna ia financial bilsio Sorkari Education Department-na tangka gong crore 500 ko chammanaha aro dingtang dingtang biap rango Ekalavya Model Residential School rangko rikchina gita ma·mong Sorkari dingtangmancha gipa rongdikoniko tangka gong crore 200 ko on·atgipakoba man·soaha aro ia dingtangmanchagipa rongdikonikon a·doko skia porako namdapatchinaba ma·mong sorkari gipin gong crore 200 ko on·dapataha ineba aganaha.
Tom·anio aganpaengon, jolni MLA Pa. Marcuise N. Marak Rongrenggre Model Deficit Secondary School ni Managing Committee aro Skigiparangko Schoolko namdapatna raken jotton ka·enganina de·mitele poraienggipa chatro chatri rangkoba gisiko nange poraie Schoona namgipa bimingko ra·bachina didiangaha.
