Agartala, March 20: Dos dakgipa mandeko bichalni jako on·na ru·uta bilsirang nangpilahaniko nikatna gita man·enggipa mamlao, skul bi·sarangko kragija dakani gimin POCSO-ni niamo police-rangni rim·na nangenggipa aro kate chakenggipa Tripura a·dokoni saksa Madrassa skulo skigipako chu·gimik bilsi-dokni ja·mano bon·kame mija Robibar salo rim·ani ja·man Tripura-ni Belonia a·jani ning·o donggipa a·joltangni kacharichi watataha.
Dosko dakgipa Assam, Karimganj-oni Jabbar Ali minggipako Nilam Bazar Police Station-oni police-rang Assam Churaibari-oniko rim·aha ine koborna parakataha.
Iani bidingo Belonia-ni Officer-in-Charge, Paritosh Das-ni koborna u·iatanganio, Nilam Bazar PS-o batanggimin 2017 bilsio ge·sa mamlako segatanggipao dosi donggipa mandeko mija Robibar salo rim·aha aro uko Belonia Session Court-o mikkang paatgen ine parakataha.
