Shillong, July 17: Mongolbar salo Education Minister Rakkam A Sangmani aganani gitade Meghalaya a·doko skul napgija bon·chongdokgiparang namen bang·enga, indiba uni gisepon, ia ong·ani namatna gita a·dok sorkari dingtang dingtang ja·kurangko de·enga ine ua aganaha.
“Batanggimin antio Chief Minister a·doko lekka-porani bidingo che·eme nipilaha aro lekka-porani gadangko nambatatna cholrangko dakenga” ine Rakkam aganaha.
Sandie man·ani gitade Meghalaya-on 9.8% ong·e skul napgija bon·chongdikgiparang batenga maina Lower Primary-o 9.4%, upper primary aro secondary levelo 21.7% ong·enga. Uaranga a·song gimikni gita 1.5%, 3.0% aro 12.60% ong·ana namen bata ine nikaha.
Skul napgija bon·chongdikgiparang Garo Hillso namen bang·a ine Education Minister aganengon, batanggimin bilsi bongani gisepo SSLC pass ka·ania 37% mangmangsan ine janapaha. “Ian namen jajrengani aro chanchina nangani ong·beenga. Chinga namjabatenggipa district dam 2-3ko niaha aro ua jolrango poraianiko nambatatna je dakna man·a cholrangko jakkalgen” ua aganaha.
“Departmentni gita chinga sandie nirokenga aro koborrangko ra·enga. Badiaba skulrangko nirokchina gita deputy commissionerrangnaba hukum on·aha maina badiaba skulrangonide pass ka·giparangan dongsrangja. Songadamoba badiaba skulrangde name dakenga indiba badiaba skulrangde dongsrangja,” Rakkam A Sangma aganaha.
Na·simang ia video-koba nina man·gen:
Na·simang iakoba poraina man·gen: Tura Football League 2024-ko ong•atani 2-gipa bako Dalu United chegipa ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
