New Delhi, Oct 25: Skulni textbook-rango ‘India’ kattani pal ‘Bharat’ kattako jakkalskachina gita skul curriculum-ko gital dake nipilna National Council of Educational Research & Training (NCERT)-ni songe on•gipa high level committee, Budbar salo ku•pattianiko on•ataha.

High level committee-ni chairperson CI Isaac-ni u•iatani gitade, skul curriculum-o ‘ancient history’-ni pal ‘classical history’ kattako a•bachengate, textbook-rango ‘India’ kattani pal ‘Bharat’ kattako jakkalskana gita ia committee ku•pattianiko on•angaha.

Textbook-rango ‘Hindu-rangni cheani’-koba mesokchina ku•pattianiko on•angaha ine janapatengon, textbook-rango ‘Hindu-rangni chu•sokgijanirangkosa’ mesokbate, Mughal aro Sultan-rangni kosako cheanirangkoba bang•en janapjahani gimin da•o Hindu-rangni cheanirangkoba textbook-rangko janapchina committee ku•pattianiko on•ataha ine Isaac aganaha.

Skulrango jakkalgipa textbook-ni curriculum-ko NCERT, National Education Policy-o pangchake nipiltaiengachim.

Iakoba poraie nina man·gen: Cherry Blossom festival-ni mamlao songni nokma, STIEH -ni padotni kosako niam gita ja·ku de·na ka·mikkenata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub