Tura, July 7: Meghalaya Assembly-ni agan-chalaitimgipa Pa Thomas A. Sangma baksana Soil and Water Conservation-ni minister Pa Marcuise N. Marak, Meghalaya a·doko dingtang dakgipa bewalrangchi man·taitaina amgipa gama-ge·ani cholko a·bachengatenggipani bak gita West Garo Hills-ni Rongram C&RD Block-ni ning·o donggipa Sasatgre songo Sloping Agriculture Land Technique (SALT) baksana Land Development Project-ko Sukrobar salo a·bachengate on·angaha aro ia programko Tura Soil and Water Conservation (T) division soka-chakangaha.

Programo bakko ra·e jinmana aganprakangengon, Pa Thomas Sangma, game-ge·e cha·giparangna namgniko ra·banasienggipa aro samtangtangnaba apsandake dakchakaniko on·nasigipa project-ko a·doko a·bachengate on·anina sorkariko de·mittele aganangaha.

Unomiting, Pa Marcuise Marak, ia project-ko a·bachengate on·anichi, a·salrangko aro chirangko chimonge rakkina namen dakchakani ong·gen ine janapatan baksa a·dokni game-ge·e cha·giparangni namgnina aro ge·a gamaniko tang·doatna gita a·dok sorkarini on·kange kamrangko ka·enganikoba parakatjolaha.

SALT Project, ian Meghalaya-ni pilak game-ge·e cha·giparangna namgniko ra·bana aro samtangtangnaba apsandake dakchakaniko on·na gita miksonge game-ge·e man·gipa biterangko dingtang dakgipa bewalrangchi gama-ge·aniko dakani mingsa chol ong·enga. Ia sloping agriculture technique-ara a·arangni ruronganiko champengna, gamgipa a·arangko a·sal gnangdapatna aro chirangko chimongna dakchakaniba ong·jola.

Iakoba poraie nina man·gen: Uniform Civil Code-ko ra•gataniara jatni daka rikani aro bebera•anio nangchakeaniko ra•bagen: GHADC CEM

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub