Tura, April 30: Garo Hills Catholic Union (GHCU), “The Garo Hills Times Now” aro “Ephilson Sangma” ingipa ge·gni facebook page-rango Catholic gilja nok aro Pope Francis-ni gimin kragija kattarangko seanina raken jegalataha.
GHCU-ni Secretary H. N. Marak-ni aganani gitade, facebook page-o seatgipa kattarangara gisik sa·dikatgipa, bingbang aganani aro saksa sakgipin baksa bak ong·ataniko giproroatgipa ong·a ine aganangaha. Iandakgipa kattarangara bang·a Catholic bebe ra·giparangko duk ong·atani ong·a ine aganengon, pilak torom-rang aro uko dilenggiparangna mande ra·aniko mesokna nanga ineba ua janapataha.
GHCU dol, social media-o kragija katta segipa manderangko jinmao aro union-ni dilgiparango kema bi·na gita konta 48-ko on·angaha, jeon page-ni nokgipa, apsan page-onin bimung grigipa mande baksana “Ephilson Sangma” page-o segipa mandekoba man·chapa.
Uamang bebe gita kema bi·jagenchim ong·ode, GHCU dolrang niam-ni gita aro jinmani gita rakgipa ja·ku de·aniko dakgen ine mikrakataniko on·ataha. Uasan ong·aigija, union-ni gita social media-rangko namana jakkalan baksana tol·gipa ba ka·o nangatani kattarangko giproroatjachina manderangko gisik ra·piltaiataniko dakataha.
Na·simang ia video-koba nina man·gen:
Na·simang iakoba poraina man·gen: Ri-Bhoi a·jani police dolrang truck salgiparangna awareness program-ko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
