Shillong, Feb 20: Re•baenggipa February-ni 27 tariko ong•atenggipa Meghalaya Legislative Assembly election-o Sohiong constituency-oni United Democratic Party (UDP) tikitchi susaenggipa aro Meghalaya a•dokni gitcham home minister HDR Lyngdoh, tanggitik ka•tong saaniko man•enba a•gilsakko watangaha.

Kobor man•soani gitade, Sombar salo ua, Mawmaram-o ong•atenggipa election-na tom•anio bakko ra•engachim indiba ua somoio ua tanggitik saaniko man•ahani gimin bakan uko Bethany Hospital-ona ra•angahachim. Hospital-ona ra•angani ja•man Lyngdoh-ko ICU-o done sannaniko on•engachim indiba nampilna gita man•jae ua apsan salon, a•gilsakko watangaha.

A•gilsakko watanggipa HDR Lyngdoh, gitcham Congress sorkarini somoio home minister ong•e a•dokna dangdike on•angahachim.