Sohra, Jan 12: Sohra-ni ma·ambiko gipin biaprangoni re·baenggipa manderang ma·sie ra·na man·na gita ia biapni mingsing-minggamanirangko segatchina gita Meghalaya a·dokni Chief Minister Conrad K Sangma, Robibar salo, Sohra-o donggipa St John Bosco gilja noko jinma bi·anio bak ra·eani ja·man aganaha.
Gilja jokani ja·man a·dokni Chief Minister, St John Bosco-ni bimang gita tarie dongipa biaponaba re·ange, bi·aniko dakangaha. Ia bimangko 2006 bilsio, Italy a·songni Turin songjinmaoniko ra·baani ja·man ia gilja noko donenga aro iano St John Bosco-ni jakra jakni grengrang dongani gimin ia bimangko namen mingsinga.
Sohra-o gitchambatstanggipa Catholic gilja nok, Sacred Heart of Jesus Church-onaba a·dokni Chief Minister re·angaha. Ia gilja nokko 1905 bilsio Society of Divine Saviour Salvatorian rikahachim aro ia gilja nok da·alonaba name dongkuenganichi bebera·giparang ia gilja noko Isolko olakkitokkuenga.
Sohra-o donggipa dingtang dingtang mingsinggipa biaprangni gimin janapatengon, gipin biaprangoni re·baenggipa manderang, ia biaprangni bidingo ma·sie ra·na man·na gita see rakkichina Chief Minister ku·pattianiko on·angaha.
Ia Sacred Heart gilja nokko re·anggipa bilsio taridapahaoba, a·bachengo bolchi kite tarigipa Jisu Kristo, Joseph aro Mariam-ni bimangrangkode ia gilja noko apsan daken donkuenga.
Na·simang ia video-koba nina man·gen:
Na·simang iakoba poraina man·gen: Swami Vivekananda-ni atchiani salko maniani bak gita National Youth Day-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
